Орбан со поддршка за Трамп: „Продолжете да се борите, господине претседателе“

Унгарскиот премиер Виктор Орбан денеска го поддржа поранешниот американски претседател Доналд Трамп, порачувајќи му „да продолжи со борбата“, бидејќи се соочува со обвиненија за тајни исплати на пари за време на изборната кампања во 2016 година.

„Продолжете да се борите, господине претседателе. Ние сме со вас“, навел Орбан на Твитер, пренесува АП.

Keep on fighting, Mr. President! We are with you, @realDonaldTrump pic.twitter.com/EZFMYHDRzl

— Orbán Viktor (@PM_ViktorOrban) April 3, 2023

Според АП, Орбан е првиот лидер на европска земја кој јавно ја поддржа претседателската кампања на Трамп во 2016 година, а исто така изрази поддршка за неговата кампања за реизбор во 2020 година.