„Треба да има постојана комуникација со бугарската заедница во Северна Македонија за да им се објасни дека акцијата на отворање клубови со провокативни имиња најмногу им штети на нивните напори да се интегрираат во општеството. Имаме интерес бугарската заедница да се чувствува добро во нивната земја, во Република Северна Македонија“, рече министерот за надворешни работи, Бујар Османи на прес-конференција по состанокот на Јадранската повелба во Скопје.
Тој појасни дека поради изборите во Бугарија ги прекинал редовните неделни прес-конференции и е внимателен во коментарите, „бидејќи во предизборна кампања политичките партии даваат изјави кои навидум функционираат во текот на кампањата, но после тоа политичарите стануваат нивни жртви“.
„Така, нашето прашање во Бугарија стана предмет на позициите што бугарската држава ги градеше во овие чести походи во последните две години“, посочи Османи.
Прецизирајќи дека тој е претставник на втората по големина етничка заедница во Северна Македонија, Османи посочи дека во однос на интегрирањето на заедниците „во функционална мултиетничка демократија“, бугарската заедница треба да учи од искуството што веќе го има во Северна Македонија „дека само со зголемување на довербата на граѓаните и другите заедници Бугарите ќе можат да бидат рамноправни“.
На новинарско прашање за случајот со претепаниот секретар на клубот „Цар Борис Трети“ во Охрид, Христијан Пендиков, Османи рече дека не знае дали и кога Пендиков ќе се врати во Северна Македонија, каде што се води случај против насилниците што го претепаа, но посочи дека за него реакцијата на Бугарија на она што се случи не е симетрична, откако Софија го обвини Скопје за систематска дискриминација и системски напад.
Османи уште еднаш повтори дека „отишол во Софија за да покаже грижа за граѓанин на Северна Македонија и да покаже дека како држава Северна Македонија не поддржува вакви напади, особено кога се од етнички причини, но и да ѝ покаже на ЕУ, дека тоа не е политика на државата“.
-И се надевам дека (Пендиков) брзо ќе се врати затоа што нашите граѓани треба да ја почувствуваат безбедноста што ја дава државата и никој да не се чувствува загрозен било да е од етнички, политички или идеолошки причини, рече Османи.