Протерувањето на македонскиот дипломат од Русија ќе има негативно влијание врз односите меѓу Москва и Скопје, рече министерот за надворешни работи, Бујар Османи.
„Жалиме поради неправедната одлука на руското Министерство за надворешни работи, но тоа е чисто реципрочна политичка одлука. Ова несомнено ќе има негативни последици врз билатералните односи меѓу Република Северна Македонија и Руската Федерација“, рече Османи.
Regrets for the unjustified decision of @mfa_russia, merely a retaliatory political decision; this will undoubtedly have negative influence on the bilateral relations between the Republic of North Macedonia and the Russian Federation https://t.co/64sD79WZYE
— Bujar Osmani (@Bujar_O) June 10, 2021
Претходно, рускиот ресор за надворешна политика објави дека Москва прогласила еден вработен во македонската амбасада во Москва за персона нон грата, како контрамерка.
Мерката е одговор на одлуката во мај оваа година да се прогласи дипломат на руската амбасада во Скопје за персона нон грата, беше објаснето во соопштението.