Основачот на Instagram со 6 совети: „Давајте приоритет на важното, а не на итното“

од Vladimir Zorba

Еден од основачите на Instagram, Кевин Систром, програмер и голем љубител на фотографијата и летањето, влезе во светот на богатите на голема врата продавајќи го Instagram на Facebook за милијарда долари. Систром заработи ценето место во светот на бизнисот со надгледување на активностите на целата компанија, која постигна невиден успех и раст на клиентите во две години од нејзиното основање во 2010 година. Кога го напушти Facebook 2018 година, остави и близу милијарда активни корисници на Instagram.

Тој дипломирал на Стенфорд и ја започнал својата кариера во Google. Работел на Gmail, Google Calendar, Spreadsheets формати, документи.

Денес, како што тврди Форбс, богатството на Систром е „тешко“, повеќе од две милијарди долари.

38-годишниот Систром даде многу интервјуа.

Издвојуваме неколку добри прашања и уште подобри одговори од познат претприемач и милијардер, од кои сигурно уште подобро ќе го запознаете младиот, креативен и успешен маж.

Што прво би му рекле на некој што започнува независен бизнис?

„Бидете сигурни дека вашиот производ решава некои од суштинските проблеми во животот на луѓето. Многумина влегуваат во бизнисот уверени дека нивната идеја е „кул“ и не мислат дека е корисна за луѓето. Големите компании прво го дефинираат проблемот што ќе го решат. Се друго е надградба“.

Кое искуство мислиш дека најмногу ти влијаело?

„Кога станав татко. Кога станав одговорен за едно суштество, ме натера да се запрашам што инаку не би направил кога станува збор за производот на кој работам. На пример, почнав да размислувам за тоа како Инстаграм влијае на децата, за содржината што лошо влијае на нив, за времето што децата треба да го поминат онлајн. Но, бидејќи сум татко, многу размислувам и колку време ќе ми одземе проектот на кој работам. Поентата не е во тоа што технологијата нè одвлекува од луѓето, туку ни го одвлекува вниманието. Поентата е да растеш и да се развиваш, да бидеш продуктивен“.

Најдоброто прашање што им го поставувате на кандидатите на интервју за работа?

„Сакам да ги прашувам кандидатите што ги интересира надвор од работата, бидејќи најдов силна врска помеѓу страста во хобито и креативноста. На пример, имав кандидат кој сака да прави салама во својата визба и со голема страст ми кажа за видовите месо и зачините. Другиот кандидат беше луд по трки. Возеше автомобилска трка секој викенд и со неверојатна ревност ми кажуваше колку е важно да чувствуваш неизвесност во животот. Вонработните интереси се многу важни бидејќи го одржуваат мозокот во форма за учење и започнување одново. Мислам дека е исклучително важно да се учи бидејќи тогаш ни доаѓаат нови идеи“.

Што треба да прочита секој кој започнува свој бизнис?

„Херој со илјада лица“ од Џозеф Кембел. Го прочитав додека го развивав Инстаграм и ме натера да размислувам за следните чекори: „Што понатаму? Каде?“ Посветете го својот живот на работата, работата со прекрасни луѓе, на прекрасни проекти, но што е со она што го добивате и учите? Кембел ме натера да размислувам за споделување со другите“.

Која лекција ја научи најтешко?

„Да се ​​даде приоритет на важното, а не на итното. Тоа е болна лекција кога ќе дојдете во ситуација кога вашиот сајт паднал на еден час. Во раните денови на Instagram, потрошивме многу време на решавање проблеми на серверите и немавме време да најдеме луѓе кои ќе ни помогнат да ги одржуваме тие сервери. Работата е во тоа што кога решавате проблем кој е итен и актуелен, добивате моментална награда и тоа е убаво, но тоа е голема замка. И денес запаѓам во неа. На крајот од секоја недела се прашувам: Колку време потрошив на работи кои беа важни, дали беа воопшто итни?“

На каков изум се надевате во иднина?

„Би сакал да искусам вештачка интелигенција како се користи за правење копии на големи луѓе. На тој начин би можеле да разговараме со водечките светски мислители. Замислете да можете да разговарате со Никола Тесла или Џон Адамс? Додека бев на Instagram имаше многу луѓе со кои сакав да разговарам, да ги слушнам нивните искуства додека минуваа низ фазите во кои јас бев. Кога започнав ново поглавје во мојот живот, седев со многу различни луѓе кои поминаа низ слични транзиции и ми помогнаа да разберам што ме чека во иднина“.

Слични содржини