82
Радикалниот исламски проповедник Анџем Чоудари беше прогласен за виновен поради тоа што повикувал кон поддршка на “Исламска држава” и може да добие до 10 години затвор, пренесе Франс прес. 49-годишниот Чоудари и приврзаникот, 33-годишниот Мохамед Рахман, кој исто така е обвинет во случајот, се заколна во верност кон лидерот на ИД Абу Бакр ал Багдади и повикувале на поддршка за милитантната група во серија видеа во Јутјуб.
Двајцата биле прогласени за виновни од лондонски суд на 28 јули, но британското правосудство побарало од медиумите да не ја објавуваат веста веднаш и таа е обелоденета денес.
Чоудари и Рахман се осомничени дека врбувале луѓе за терористички групи од над 20 години. Казната ќе биде прогласена на 6 септември.