Новинарка од германската телевизија РТЛ добила отказ откако било откриено дека лаже дека им помагала на жртвите во поплавениот град.
Сузана Охлен (39) се извалка со кал пред да се приклучи на програмата, по што навела дека помогнала во чистење на Бад Мунстерајфел, град кој беше сериозно оштетен во поплавите што однесоа најмалку 128 животи во Германија.
„Чистење по поплавата: Новинарка на РТЛ помага во расчистувањето на Бад Мунстерајфел“, е насловот на извештајот, кој беше емитуван на телевизија.
Hier ist das fleißige Bienchen 🤣🤣🤡🤡mit ihrem Märchen das sie mit angepackt hat 😂😂 pic.twitter.com/brdhofXl5k
— BockwurstMitSauerkraut (@Michael45644934) July 22, 2021
Наскоро се појави и друго, инкриминирачко видео.
Според „Дејли меил“, еден од минувачите ја снимил, облечена во сина кошула, со капа и чизми, како зема кал и се мачкала по облеката, додека околу неа се наоѓаат урнатини од згради.
Потоа, размачкала кал и на лицето. Видеото е објавено на социјалните мрежи, каде предизвика големо внимание.
Das ist die @RTLde Moderatorin Ohlen, die “anpackt” – wie im nachfolgenden RTL-Artikel geschrieben wird.@Hadmut @argonerd pic.twitter.com/l1zFOd1pdc
— Eddie Graf (@Eddie_1412) July 22, 2021
РТЛ објави дека водителката ги прекршила сите новинарски принципи и стандарди и дека поради тоа добила отказ, кој стапил на сила веднаш.