Фановите на легендарниот ситком „Пријатели“ беа длабоко разочарани кога дознаа дека снимањето на еднократниот специјал на култната серија е одложено поради пандемијата на коронавирус. Сепак, актерот Дејвид Швимер, познат по ликот на Рос Гелер, ги уверува фановите дека овој собир вреди да се чека и открива кога може да се случи снимањето.
– Се надеваме дека ќе го снимиме продолжението во август, поточно кон средината на август, но искрено, тоа ќе го сториме кога сè ќе биде безбедно заради моменталната состојба. Отсекогаш постоеше надеж дека продолжението на шоуто ќе има жива публика, што ја прави целата работа навистина потешка. Очигледно, нема да ризикуваме нечие здравје поради работата на нови епизоди – рече Дејвид и не ја криеше својата возбуда дека повторно ќе се соедини со Лиза Кудроу, Метју Пери, Мет Лебланк, Џенифер Анистон и Кортни Кокс.
– Претпоставувам дека со нетрпение очекувам да бидам во сетот со тие пет актери. Пет се, зарем не? низ насмевка се пошегува Дејвид.
Според странските медиуми, актерите кои ги сочинуваат познатите шест „Пријатели“, најверојатно, ќе треба да бидат во карантин еден период пред почетокот на снимањето, со цел целиот тим да биде сигурен дека никој нема вирус.
Швимер исто така беше малку носталгичен во интервјуто кога размислуваше за враќање во студиото „Ворнер Брос“, каде се случи целата магија.
– Да се биде на вистинска звучна сцена, за прв пат по 10 години, на сет каде што снимавме скоро една деценија, ќе биде навистина неверојатно искуство за мене – признава актерот со очигледна емоција.
HBO за прв пат ги објави плановите за работа на специјалот во мај, но тие пропаднаа поради кризата со Ковид 19.
Емисијата е преместена за снимање во август, при што целиот тим ќе мора да помине тестови за вирус пред да им се дозволи да дојдат на сетот.