Поранешната ѕвезда на Ливерпул и Реал Мадрид, Мајкл Овен ги сподели своите очекувања од финалето на Лигата на шампионите меѓу двата тима. Според него, тимот од Мерсисајд е фаворит и може да постигне успех со многу убедлив резултат.
„Мислам дека Ливерпул е супериорен во однос на Реал и е способен да го победи. 3: 1 или 3: 0 – ова е моето предвидување. Ливерпул може да победи доста убедливо бидејќи тие се неверојатен тим, многу посилен од Реал во оваа фаза“, изјави Овен за „Дејли Меил“.
„Реал направи феноменални пресврти за да стигне до финалето. Нивното тешко патување во елиминациската фаза веројатно ги исполнува со самодоверба. Но, мислам дека Ливерпул е подобар и поискусен тим. „Црвените“ ќе внимаваат мечот да не биде „лизгав“, бидејќи никој во вакви ситуации не е поопасен од Реал Мадрид“, додаде поранешниот англиски репрезентативец.