За некои луѓе се вели дека се родени под среќна ѕвезда бидејќи сѐ им оди во животот. Можеби не се родени под среќна ѕвезда туку во правилниот хороскопски знак.
Станува збор за Близнаците кои важат за вистински среќници. Тие се секогаш на право место во право време. Зборлести се, умеат да го забавуваат цело друштво и луѓето едноставно ги обожуваат. Од секоја ситуација се вадат преку својот шарм. Манипулативни се, па многу лесно и се вовлекуваат на луѓето под кожа. Близнаците се ведри и оптимистични луѓе кои имаат потреба секогаш покрај нив нешто да се случува. Не поднесуваат монотонија и досада, а во нивната глава секогаш се присутни многубројни идеи кои честопати не стигнуваат да ги реализираат. Исклучително се дружељубиви и забавни, а комуникацијата со околината и разменувањето на идеи за нив е потреба. Снаодливи се и сестрани, па поради тоа одлично се снаоѓаат во различни области. Понекогаш знаат да бидат површни, па за нив не може да се каже дека се луѓе од доверба. Имаат две различни страни на личноста и никогаш нема да знаете сон која од нив зборувате. Со нив никогаш не е здодевно.
Вториот знак роден под среќна ѕвезда се Девиците. Тие никогаш не се откажуваат, дури ни кога ќе се најдат во најлоши ситуации. Секогаш се извлекуваат некако на крајот, како да им помагаат виши сили во тоа. Припадниците на овој хороскопски знак поседуваат посебен дух и интелигенција, својствени само за нив.Девиците се познати како многу аналитични личности, многу внимателни и дисциплинирани. Тие имаат униформиран и систематски поглед кон животот и решавањето проблеми. Тие се познати како луѓе кои се многу селективни во однос на тоа со кој се дружат.Родените во овој знак се многу зрели и таинствени, и често сакаат да ги имаат работите под контрола. Нивните умови не се исполнети со соништа, туку со анализа и многу набљудување. Девиците се луѓе кои претходно длабински планираат, па потоа се фокусираат на нивните цели. Кога и да донесуваат одлука за нешто, долго анализираат и методолошки им пристапуваат на нивните одлуки.
Третиот среќен знак е Стрелецот. Овој е знак на среќа, веселба, егзотика, сака храна, патувања, музика, се бори против неправда, владее со човековите права, пријателсвото му е императив и од него црпи енергија. Стрелецот има млад дух, убав естетски изглед, спортска градба, сака племенити спортови, па тенисот му е еден од омилените. Тој е отмен, аристократ, понекогаш и бунтовник, ја почитува традицијата, но сепак оди по својот пат. Стрелецот е свештеник, астролог, пророк. Големите награди, медаљи, воени заслуги произлегуваат од силниот Јупитер. За да бидете првак или победник во некој спорт мора да имате силен Јупитер во наталната карта. Стрелецот не е едноставен за соработка, знае да биде строг. Тој исто така казнува, но тоа е повеќе непријатно отколку трагично. Има големи животни апетити и ги остварува. Типични ѕвезди припадници на овој знак се Френк Синатра или Тина Тарнер, кои постигнале успех кој трае.