Папата откажа средба со дипломати поради ишијас

Поглаварот на Римокатоличката црква, папата Франциск, го одложи традиционалниот годишен прием со дипломати закажан за денес и ги намали своите обврски поради ишијас.

84-годишниот папа веќе го откажа учеството на две церемонии, на 31 декември и 1 јануари, поради „болниот ишијас“, објави Ватикан, додавајќи дека Франциск има ишијас со години, кој повремено го „стега“.

Пред околу десетина дена, папата ја прими првата доза на вакцината против коронавирус.

Папата е меѓу оние кои се изложени на ризик не само поради неговата возраст, туку во 1957 година имал акутен плеврит поради кој хирурзите мораа да отстранат дел од десното белодробно крило.