Поглаварот на Римокатоличката црква, папата Франциск, му порача на американскиот претседател Џо Бајден да се моли на Бога да ги насочи неговите напори за помирување во Соединетите држави и во светот.
Папата Франциск веднаш по заклетвата испрати порака до 46-от претседател на САД и изрази надеж дека Бајден ќе работи на создавање на општество на вистинска правда, слобода и почитување на правата и достоинството на секој поединец, особено на сиромашните, ранливите и не гласачите.
Бајден положи заклетва денес како 46-ти американски претседател.
Демократот, вториот католик во Белата куќа по Џон Кенеди, се заколна на Библијата украсена со келтски крст што го придружува во неговата 50-годишна политичка кариера. Книгата е во неговото семејство, по потекло од Ирска, од 1893 година, а тој исто така ја користеше додека положуваше заклетва како сенатор и потпретседател за два мандата на Барак Обама.
Бајден го објави и првиот твит на официјалниот профил на претседателот.
„Не можеме да губиме време, мора веднаш да се избориме со кризата пред нас. Затоа одам денес во Овалната соба и веднаш ќе започнам со работа “, напиша новиот американски претседател Џо Бајден.