Во денешната велигденска порака, папата Франциск ги повика земјите да ја забрзаат дистрибуцијата на вакцини против ковид-19, особено на сиромашните во светот и ги нарече скандалозни вооружените конфликти и трошењето на армиите за време на пандемијата.
Поради вирусот, втора година по ред, мал број луѓе се собраа на велигденската служба на папата во Ваитикан, собрани во споредниот олтар на базиликата Свети Петар, наместо во црквата или плоштадот, објави Ројтерс.
По одржувањето на мисата, папата Франциск ја прочита својата порака „Urbi et Orbi“, во која традиционално дава преглед на светските проблеми и апелира за мир.
„Пандемијата продолжува да се шири, додека социјалната и економската криза останува сериозна, особено за сиромашните. Сепак, дури и тоа е скандалозно, вооружените конфликти не се завршени и воените арсенали се засилуваат“, рече папата.
Само 200 луѓе беа во можност да присуствуваат на мисата поради ограничувачките мерки поради Ковид-19.
Пред пандемијата, Велигденската миса се одржуваше на плоштадот Свети Петар, пред десетици илјади верници. И оваа година, како и минатата година, папата одржа миса во базиликата Свети Петар, со директен пренос.
Папата го замоли Бога да ги утеши болните, оние кои изгубија некој близок и невработените, повикувајќи ги властите да им дадат на семејствата, на кои им е најпотребна пристојни средства за живот. Тој ги пофали медицинските работници, сочувствуваше со младите кои не можеа да одат на училиште и рече дека сите се повикани да се борат против пандемијата. Франциск, кој честопати повикуваше на разоружување и тотална забрана за нуклеарно оружје, рече:
„Сè уште има премногу војни и премногу насилство во светот! Нека Бог, кој е наш мир, да ни помогне да го надминеме начинот на размислување за војната“.