200
Министерот за здравство, Беким Сали информира дека Скопје се уште е жариште на Ковид-19 и е во црвена зона во однос на бројот на новозаразени лица.
-Од аспект на оптоварување на системот, се уште сме во жолта зона. Помалку од 100 пациенти се во сите инфективни одделенија во државата. Во делот на оптовареност, денеска ќе објави и Комисијата за заразни болести, изјави денеска Сали.
Министерот апелира до пациентите со хронички болести да се вакцинираат со четврта доза против Ковид-19.
-Доколку немаат примено трета доза, нека се имунизираат со трета. По инфицирање знаете, не можете да се вакцинирате, побара Сали од отворањето на реновираниот Хируршки ургентен центар на скопските клиники.