Претседателката на Претставничкиот дом на САД, Ненси Пелоси, го напушти Тајван по еднодневната посета која наиде на жестоки реакции од Кина.
Пред заминувањето, Ненси Пелоси разговараше со активистите на состанок зад затворени врати во Националниот музеј за човекови права.
Претходно таа имаше средба со претседателката на Тајван, Цаи Инг-вен, и се обрати пред Парламентот на Тајван.
🛫 #SPAR19 just took off from Taipei https://t.co/HvZSZRk3WT pic.twitter.com/dIczPDHhLd
— Flightradar24 (@flightradar24) August 3, 2022
Пелоси вчера пристигна во Тајван и покрај протестите од Пекинг. Тоа е прва посета на американски функционер од ваков ранг на Тајван во последните 25 години.
Кина постојано предупредуваше дека посетата, доколку се случи, нема да помине без последици и дека ќе одговори со остри мерки.
Кинеските власти ќе ги преземат сите достапни контрамерки како одговор на посетата на Ненси Пелоси на Тајван, изјави портпаролката на кинеското Министерство за надворешни работи, Хуа Чунјинг.