Претседателот Стево Пендаровски на прес конференција посочи дека нема место за паника, ниту пак смета дека има потреба за вонредна состојба во моментов.
„Советот на безбедност ја има функцијата, и ќе донесе одлуки. И да има вонредна состојба, нема да има полициски час сигурно. Она што е сигурно е дека парламентот не владее, владее владата со уредби. Таа состојба трае 30 дена и може да се продолжи во зависност од тоа. Владата си владее, и претседателот си има свои обврски. Можеби ќе се оди на варијанта, кризна состојба на целата територија. Клучот за справување со ептидемијата е да се почитуваат препораките максимално и да бидеме крајно сериозни“, рече Пендаровски.
Според него, крајно неодговорно е да се оди на кафе после мерките и препораките, посочувајќи дека сите граѓани мора да бидат целосно одговорни и кон себе и кон своите семејства.
„Нема место за паника, но не можеме да одиме во друга крајност. Крајно неодговорно е да одите на кафе после ова, тоа е крајно неодговорно. Не велам дека тоа ќе го нема со полициски час, но сепак тоа е крајно неодговорно“, истакна претседателот Пендаровски.