Претседателот на Република Северна Македонија, Стево Пендаровски изрази сочувство до семејството чии деца загинаа денеска во експлозијата на плинска боца во кумановското село Романовце.
„Сочувство за семејството и блиските за несреќата во кумановското село Романовце во која животот го изгубија три деца, а уште шест лица се повредени. Загубата е ненадоместлива, се надевам повредените, на кои во моментов им се пружа медицинска помош, ќе бидат добро“, напиша тој на својот Фејсбук профил.
Истото го стори и претседателот на СДСМ, Зоран Заев.
„Изразувам длабоко сочувство за трагичното губење детски животи денес во Романовце. Искрено се надевам дека трагедијата нема да биде поголема и дека сите седум тешко повредени ќе закрепнат набргу. Поддршка и почит до дежурните екипи за навремената реакција и тимот во Клиничкиот центар кој се грижи за повредените“, напиша Заев на фејсбук.