Седумнаесет години ние се подготвуваме за овие преговори и тоа е најдолг период на подготвки на било која држава во историјата на ЕУ. Ние сме најдобро подготвениот кандидат за членство во историјата. Тимовите за секое поглавје се направени уште пред деценија и сум уверен ако процесот на преговори со ЕУ не биде базиран на историја, а биде базиран на реалните европски критериуми и вредности, ние во рекордно време ќе ги завршиме тие преговори, рече претседателот Стево Пендаровски на прес-конференцијата со неговиот германски колега Франк-Валтер Штајнмајер.
Претседателот истакна дека главен аргумент во падот на евроентузијазмот во регионот е на страната на Унијата, „бидејќи во последните години објективно не гледаме дека процесот на европски интеграции се движи напред“.
-Ми се чини дека ако вратата се отвори широко за целиот регион, ќе видите многу подобри резултати во поддршката на нашите граѓани за евроинтегративниот процес, оценува Пендаровски.