Пендаровски: Политиката подалеку од армиските редови, сите војници да и служат на државата независно

од Берта Китинска

Врховниот командант и претседател Стево Пендаровски на свечената церемонија за промоција на нови офицери – потпоручници од 21-та класа и заклетва на 25-тата класа на питомци на Воената академија „Генерал Михаило Апостолски” истакна  дека ова е голем ден за сите оние кои се промовирани во потпоручници.

-Она што е многу важно и што мора сите заедно да го правиме, секој ден, без исклучок, за време на целиот работен век е да ја држиме политиката што подалеку од армиските редови. Вие морате да и служите на државата, независно од политичките гарнитури на власт и независно од вашите лични и политички убедувања. Затоа што тоа е фундаментот на секоја професионална армија, политиката мора да биде надвор од војската, порача Пендаровски .

Потенцира дека офицерскиот чин значи чест, достоинство и одговорност кон Армијата и кон татковината.

– Од вас очекуваме да внесете нова енергија, нови знаења и вештини во структурите на Армијата и сето она што го научивте во изминатите четири години да го пренесете во командите и единиците со што ќе придонесете за зацврстување на борбената готовност и моралот на Армијата, рече Пендаровски.

Слични содржини