Пенс: САД се подготвени за одговор на нападите во Саудиска Арабија

од Vladimir Zorba

Потпретседателот на САД, Мајк Пенс изјави дека САД се подготвени да одговорат на нападите врз саудиски нафтени објекти.

– САД се подготвени да преземат каква било акција што е потребна за да ја одбраниме нашата држава, воените трупи и сојузниците во Заливот. Можете да сметате на тоа, изјави Пенс во Вашингтон.

Тој додаде дека Вашингтон ги анализира сите информации и дека во следните денови претседателот ќе одлучи за акција. Пенс вели дека напад врз сојузници на Американците и светската испорака на нафта ќе доживее неуспех.

Потпретседателот на САД нагласи дека Иран ќе доживее неуспех ако го извршил тој напад за да изврши притисок врз претседателот Доналд Трамп и за да го натера да се повлече.

Слични содржини