Колку паровите се подготвени да жртвуваат, најдобро се гледа во следниве ситуации. Бракот бара многу труд, а секојдневни ситуации и тоа како ја ставаат љубовта на тест. Вистинска заедница се гледа само во тешки периоди како што се болест, неплодност или неверство. Само тука можете да видите колку паровите се подготвени да жртвуваат и дали навистина се придржуваат до своите завети „во добро и зло“.
Неплодност
Неплодноста може да биде голем товар за парот и да донесе вистински раздор во бракот. Партнерите можат да се обвинуваат едни со други дека едниот од нив не се труди доволно и не сака да посетува лекари. Најважно е да разговарате за опциите, да одлучите по кој пат ќе одите и да бидете сигурни дека сте 100 проценти во тоа. Ако само еден од вас се обидува, партнерот може да биде многу разочаран. Исто така, постои можност оној што не може да има деца да се чувствува виновен за тоа и да се повлече уште повеќе. Во тие моменти, важно е да бидете поддржувачи едни на други, и да ја оставите себичноста настрана.
Неверство
Неверството остава длабоки емотивни траги и може да го уништи бракот во еден момент. Зачувувањето на односот не е воопшто лесно и прво треба да се постави прашањето дали прељубникот заслужува прошка, а потоа и уште една шанса. Ако сте решиле да простите, треба да знаете дека вашата претходна врска е „мртва“ и дека треба да започнете од почеток. Таа врска можеби нема да ја има истата доверба како и првата, но тоа ќе биде знак дека ништо не може да ве раздели. Исто така, ако вашиот партнер веќе одлучил да го прости неверството, тогаш тој дури и не треба да го спомнува повеќе, особено не во друштво. Саркастичните забелешки и коментари за минатото ќе го уништат бракот, бидејќи тие се доказ дека не сте подготвени за нов почеток.
Раѓање на дете
Првите месеци по раѓањето на детето се и чудесни и тешки. Недостаток на сон и сомнеж во сè што правите предизвикуваат нервоза, затоа кавгите се почести. Обидете се да ја споделите грижата за детето подеднакво со вашиот партнер, за да не го носите целиот товар сами. Ова ќе го намали стресот и ќе ве поврзе уште подлабоко.
Болест
Бидејќи болеста ја менува динамиката на врската, таквата ситуација ќе ги направи сите претходни расправии ирелевантни. Најважно е да се поддржувате едни со други и да се посветите уште повеќе на врската во такви моменти. Заедништвото нека стане засолниште кое ќе ви помогне да добиете сила и да продолжите понатаму.
Отказ
Финансиската криза е вистински товар за бракот, а недостатокот на основни средства за егзистенција може да ги натера луѓето меѓусебно да се обвинуваат за отказот, лошите инвестиции или несовесното трошење. Таквата ситуација го менува досегашниот начин на живот, предизвикува стрес и влијае на целото семејство. Треба да ѝ се пристапи со ладни глави и заедно да одлучите кој е вашиот следен чекор.