Непријатна сцена се случи вчера во црква во Киев, кога неколку пијани девојки влегле во местото за богослужба и започнале да создаваат хаос.
Според украинските медиуми, девојките влегле во црквата и започнале да пијат алкохол, но и запалиле цигари. После тоа, тие започнаа да ги гаснат свеќите кои верниците ги запалиле на Велигден.
Цело време, девојките снимале што прават во црквата, а потоа ги објавиле снимките на социјалните мрежи.
Нивното однесување најостро го осудија корисниците на социјалните мрежи, кои рекоа дека треба да се срамат.
– Да се разбереме, јас не сум верник, но мора да се знае редот. Ова е дно – напиша еден корисник.
Патем, во текот на вчерашниот ден, Украинците масовно споделуваа снимки од црквите низ целата земја, и тоа не од добра причина. Имено, кршења на корона мерките биле забележани во неколку цркви, па многу верници дошле на богослужба без маска, и никој не ја држел пропишаната оддалеченост, туку сите се туркале.