Познатиот британски новинар Пирс Морган на Твитер го праша американскиот претседател Доналд Трамп дали има докази за неговите тврдења дека експлозијата во Либан е резултат на напад со бомба, и истакна дека последиците од таквата изјава се многу сериозни.
Американскиот претседател Доналд Трамп изјави дека генералите на американската армија му рекле дека експлозијата во Бејрут е предизвикана од „некаков вид бомба“.
Good morning President @realDonaldTrump – you told the world yesterday the Beirut explosion was a bomb attack. Can you tell us what evidence you have for that statement as the Lebanese are saying it was an accident? The repercussions of your claim are obviously enormous.
— Piers Morgan (@piersmorgan) August 5, 2020
За време на брифингот за коронавирусот во Белата куќа, претседателот Доналд Трамп изјави дека САД се подготвени да му помогнат на Либан. „Ние ќе бидеме таму за да помогнеме. Тоа изгледа како ужасен напад “.
Неколку либански официјални лица претходно изјавија дека експлозијата во магацинот во пристаништето во Бејрут, најверојатно, била предизвикана од 2.700 тони амонијак, што таму се чувал неколку години надвор од безбедносните регулативи.
Without providing any evidence, President Trump claims the explosion in #Beirut is a result of an attack.
This contradicts the official statement of the Lebanese prime minister. @akhbarpic.twitter.com/QbfiS6DN68
— Jenan Moussa (@jenanmoussa) August 4, 2020
Бејрут беше уништен по моќната експлозија што го потресе главниот град во вторникот, во која најмалку 100 луѓе загинаа, а повеќе од 4.000 беа повредени. Фотографиите и снимките направени од беспилотното летало го прикажуваат целиот ужас што се појави по ужасот
Судејќи според социјалните мрежи, многу луѓе се согласуваат со Морган. Се истакнува и дека либанските власти навеле и други причини за експлозијата, а Си-Ен-Ен објави дека тројца официјални претставници на Министерството за одбрана на САД потврдија дека нема индиции дека експлозиите се последици од „напад“, и покрај зборовите на Трамп.