Платил гориво на бензиска со лажна банкнота од 100 евра

ОЈО Гостивар соопшти дека поднеле обвинителен предлог против 55-годишен гостиварец, поради пуштање во оптек лажни пари.

„Обвинетиот на 2 декември 2020 година, околу 20:40 часот во Гостивар на бензиска станица лоцирана на магистралниот пат, пуштил во оптек лажни пари. Имено, тој со лажна банкнота од 100 евра, за која знаел дека не е вистинска, платил за наточено гориво. Со стореното кривично дело обвинетиот се товари за фалсификување пари од член 268 став 4 од Кривичниот законик“, стои во соопштението.