Реалните плати во еврозоната се значително пониски отколку во периодот пред пандемијата, што можеби би можело да одврати некои работници од Балканот да планираат да заминат во странство.
Како што понатаму наведува Европската централна банка (ЕЦБ), заработката во блокот најверојатно ќе се намали уште повеќе во наредните месеци поради брзиот раст на цените.
Имено, пандемијата предизвика големи пореметувања на пазарот на трудот поради строгите мерки за сузбивање на ковид-19 и побарувачката за работна сила, особено во секторите каде работниците имаат близок контакт со клиентите.
Но, се забележува и дека тогаш дошло до нагло закрепнување на економијата, а имало и зголемување на платите – поради недостиг на работна сила. Тоа беше случај првенствено во секторот снабдување, транспорт и угостителство.
Во исто време, ЕЦБ нагласува дека уште во 2020 година реалните и номиналните плати растеле со речиси идентично темпо, што нагло се променило во првиот квартал од 2021 година, бидејќи цените почнале брзо да растат.
Од друга страна, деновиве на големо се пишува за тоа дека годишно околу 50.000 луѓе од регионот ќе можат да најдат работа во Германија. Германските власти имаат намера да ја удвојат квотата за имиграција на работници од регионот на Западен Балкан.
Дали е сега вистинското време за тоа?
„Во почетната фаза на пандемијата, инфлацијата беше многу ниска, како одраз на слабите ценовни притисоци, значително негативно влијание на цените на енергијата и други фактори, како што е привременото намалување на индиректните даноци за стимулирање на економијата“, соопшти ЕЦБ.
Во 2021 година, инфлацијата забрза поради растот на цените на енергијата и проблемите во набавката на стоки и услуги во контекст на отворањето на економијата, по укинувањето на пандемските ограничувања.
Резултатот од тоа?
Постојано продлабочување на јазот помеѓу реалните и номиналните плати.
Имено, номиналните плати пораснале помалку од потрошувачките, па се намалила куповната моќ на граѓаните. Во вториот квартал од минатата година тој беше за околу 3,6 отсто понизок во однос на четвртиот квартал од 2019 година.
„Вистинските плати сега се значително пониски отколку пред пандемијата и веројатно ќе паднат дополнително во следните месеци“, заклучува ЕЦБ во написот, додавајќи: „Ова би можело да ги поттикне синдикатите да бараат повисоки зголемувања на платите во следните рунди преговори, особено во секторите со пониски плати“.
Се проценува дека номиналните плати ќе растат многу силно и во наредните квартали, во однос на нивоата од минатото.