Граѓаните вечерва продолжија со протестите во Скопје по објавените материјали во вторникот од страна на опозициската СДСМ за случајот со убиството на Мартин Нешкоски.

Демонстрантите околу 18 часот се собраа кај улиците во близина на Владата, до чија зграда беше оневозможен пристапот од полициските сили. Преку протестот бараат одговорност од власта за случајот со убиството на Нешкоски и реагираат на, според нив, полициската бруталност.

Откако беа спречени да протестираат пред зградата на Владата, се упатија кон Министерството за внатрешни работи за таму да го изразат својот револт.

Откако демонстрантите стигнаа во близина на МВР сепсцијалците не им дозволија да се приближат до областа, и ги запреа на околу 200 метри од МВР.

Потоа демонстрантите се упатија пред зградата на премиерот Груевски, на улица Бихаќка.

„Излези диктаторче! -така демонстрантите го повикуваат премиерот да излезе на тераса и бараа негова оставка
На улицата имаше силно полициско обезбедување.

Откако и таму го  изразија својот револт граѓаните се упатија накај Собранието на РМ каде се наоѓаат во моментов.

Вчера освен пред Влада, им беше забрането да протестираат и пред Јавното Обвинителство.

Протести имаше и во други градови.

Видео: A1on

Фото: МЕТА