По убијците се трага: Во автомобил убиени двајца млади скопјани

од Берта Китинска

Чаури од оружје, локви од крв сведочат за убиството кое го утрово го потресе Топанско поле.

Според информациите на МВР убиени се две млади момчиња.

„На 05.03.2021 во 02:35 часот во СВР Скопје било пријавено дека на бул. „Македонско – Косовска бригада“ се слушнало пукање. По излегување на местото на настанот од страна на полициски службеници, било пронајдено патничко моторно возило „цитроен“ со скопски регистарски ознаки и две лица кои не давале знаци на живот.Од страна на лекар од Итна медицинска помош била констатирана смрт кај двете лица. Пронајдени се чаури од огнено оружје (пиштол и автоматска пушка). Утврден е идентитетот на лицата 28-годишниот А.Б. и 24-годишниот Б.В., двајцата од Скопје. Се преземаат мерки и активности за расчистување на случајот“, соопшти МВР.

Мотивите за убиството засега не се познати, а ниту пак има осомничени лица.

Слични содржини