Сениорската репрезентација на Македонија ја доби првата контролна средба против селекцијата на Чиле со четири гола разлика откако денеска успеа да дојде до победа од 25:21 во првиот од двата пријателски меча со оваа репрезентација.
За овие натпревари селекторот Брестовац повика комбиниран состав, во него е и Кире Лазаров но тој не влезе на денешниот меч.
Чилеанците се подготвуваат за настап на Светското првенство во Египет на кое може да игра и Македонија ако некоја селекција откаже во последен момент. Селекторот Данило Брестовац сакаше да испроба некои ракометари, па за овие мечеви со Чиле не повика некои од најискусните ракометари и долгогодишни репрезентативци.
Пешевски и Серафимов со по пет гола беа најефикасни, Маџовски даде три, а по два Танкоски, Костески, Мишевски, Ѓорѓиевски и дебитантот Цветан Кузмановски. Митревски имаше осум одбрани во првиот дел, Томовски пет во второто полувреме.