Пет лица, меѓу кои и една бремена жена, беа убиени во куќа во Индијанаполис во очигледно целен напад, рече шефот на градската полиција, опишувајќи ги убиствата како „масовно убиство“ и „поинаков вид на зло“.
Полицијата соопшти дека станува збор за убиство со умисла.
Повикот за пукање полицијата го примила во 4:00 часот наутро по локално време, а по пристигнувањето на местото на настанот пронашле ранет тинејџер.
Полицијата подоцна добила информација дека пукање се случило и во соседна куќа каде биле пронајдени пет тела.
Локалната полиција и Федералното биро за истраги (ФБИ) се вклучени во истрагата.
Сè уште никој не е приведен, а полицијата не може да каже дали станува збор за еден или повеќе напаѓачи.
Градоначалникот на Индијанаполис Џо Хогсет изјави дека станува збор за масовно убиство.