Покрената кривична постапка против Тихановскаja и членови на опозицискиот совет на Белорусија

од Stefanija Kuzmanovska

Белоруското обвинителство покрена кривична постапка против Светлана Тихановскаја и членови на Координативниот совет на белоруската опозиција „поради фактот за создавање и водење екстремистичка група“, соопшти обвинителството на својот канал Телеграм.

„Обвинителството, земајќи ги предвид информациите добиени за време на истрагата на Истражниот комитет против членовите на таканаречениот Координативен совет според член 3, точка 361 од Кривичниот законик (заговор за заземање на државната власт со неуставни средства), одлучи да поведе кривична постапка против С.Тихановскаја, М „Колесников, М. Занк, П.Латушко, О.Ковалкова, С. Дилевски и други лица за создавање и водење на екстремистичка група“, се вели во пораката.

Да потсетиме, масовните протести на опозицијата започнаа во Белорусија на 9 август, по претседателските избори. Според Централната изборна комисија, актуелниот претседател Александар Лукашенко победи на изборите со 80,1 процент од гласовите. Опозицијата не ги призна резултатите од изборите и смета дека победи Светлана Тихановскаја.

Слични содржини