Откако не успеаа пред Владата, и тргнаа кон Обвинителството, демонстрантите ги дочека кордон полиција и на кејот од страната на Јавното обвинителство и не дозволи демонстрантите да се доближат до зградата на Обвинителство.. По ова демонстрантите се упатија кон Собранието.
Ова е кршење на член 21 од Уставот во кој стои следното:
Граѓаните имаат право мирно да се собираат и да изразуваат јавен протест без претходно пријавување и без посебна дозвола. Користењето на ова право може да биде ограничено само во услови на воена и вонредна состојба.
Граѓаните во ист стил како и полицијата ги блокираат крсносниците во центарот во Скопје.
Седнати на асфалтот го искажуваат своето незадоволство од односот на полицијата која не им дозволи да протестираат пред Влада и пред Јавното обвинителство. Возачите им дадоа поддршка со свирежи и поздрав со рака. Полицијата го пренасочува сообраќајот.
Протестот пред Собранието тече мирно.
