ЕУ се согласи да воведе ограничување на цената на нафтата во новиот план за санкции за Русија, но последните детали од оваа одлука, дизајнирана да влијае на приходите на Русија од продажбата на нафта, треба да бидат објавени денеска, пишува „Политико“.
Седум европски дипломати потврдија дека амбасадорите на ЕУ постигнале оквирен договор за нови санкции против Русија поради војната со Украина, вклучително и ограничување на цената на руската нафта, пишува „Политико“.
Нов пакет санкции против Москва, осми кој ќе биде воведен, беше предложен минатата недела од претседателката на Европската комисија, Урсула фон дер Лејен, откако рускиот претседател Владимир Путин се закани дека ќе употреби нуклеарно оружје во Украина, а потоа нареди мобилизација на стотици илјади резервисти.