ФУДБАЛСКИОТ клуб Јувентус повторно е во центарот на скандал, овојпат не се работи за „калчополи“, туку за малверзации со пари.
Според италијанските медиуми, „црно-белите“ се под истрага на финансиската полиција, се поради наводната проневера на 50.000.000 евра.
Челниците на клубот се под истрага, предводени од претседателот Андреа Ањели, потпретседателот Павел Недвед и поранешниот спортски директор Фабио Паратичи, кој сега има функција во Тотенхем.
Истрагата наведува дека клубот ги фалсификувал финансиските извештаи, поради што властите заплениле клупска документација.
– Во овој момент активностите се насочени кон утврдување на кривично дело лажна комуникација на фирми и издавање фактури за непостоечки трансакции, велат од највисокото раководство и раководните лица од областа на финансискиот и спортскиот менаџмент – се наведува во службеното соопштение на полицијата.
Можеби поради ваквите проблеми, газдата на Јувентус беше толку „загреан“ за да создаде т.н. Европска Суперлига…