Полскиот министер за надворешни работи Збигњев Рау изрази жалење за денешниот инцидент кога украински и полски демонстранти истурија црвена крв на гробиштата на советските војници во Варшава, симболично за жртвите од војната во Украина и рускиот амбасадор во Полска Сергеј Андреев, извикувајќи „бандити, фашисти“. и спречувајќи го да положи венец.
„Она што се случи денеска при положувањето венци на гробовите на паднатите советски војници е инцидент што не требаше да се случи, инцидент за кој треба да се жали. Дипломатите уживаат посебна заштита, без оглед на политиката што ја спроведуваат владите што ги претставуваат“, изјави министерот за надворешни работи Рау за новинарите за време на неговата посета на Иран.
Спротивно на официјалниот став на полската дипломатија, министерот за внатрешни работи и администрација Мариуш Камињски изрази разбирање за инцидентот и потсети дека полските власти и препорачале на руската амбасада оваа година поради руската агресија врз Украина, Полска да не го слави 9 мај, Денот на победа.
„Собирањето противници на руската агресија врз Украина, каде што секојдневно се случуваат злосторства за геноцид, беше легално. Разбирливи се емоциите на Украинките кои учествуваа на манифестацијата, а чии сопрузи ефикасно се борат во одбрана на татковината. Полските власти му препорачаа на рускиот амбасадор да не положува цвеќе на 9 мај во Варшава. Полицијата му овозможи на амбасадорот безбедно да го напушти местото на настанот“, објави Камињски на Твитер.
Руската амбасада ги послуша препораките на полските власти и протестите на градоначалникот на Варшава, Рафал Чашковски и одлучи прославата на Денот на победата во полската престолнина да ја сведе само на амбасадорот кој положи венци на гробиштата на советските војници наместо организирање на Бесмртниот полк.
Според полските медиуми, Украинка која прво истурила боја врз себе, го испрскала амбасадорот, по што тој се откажал од положувањето венец, а руското Министерство за надворешни работи побарало од полските власти итно да дозволат полагање венци и обезбедување на руските дипломати од провокација.