Пред една година, Кина го првиот смртен случај од новиот коронавирус во Вухан, а 12 месеци подоцна Ковид-19 однесе 1,9 милиони животи низ целиот свет.
Меѓутоа, во тој град со 11 милиони жители во централна Кина, каде што се појави првата позната инфекција, вирусот беше сопрен.
Во понеделникот наутро, годишнината минува незабележано во Вухан – луѓето можат слободно да одат на работа, парковите, а шеталиштата покрај реката се исполнети со пешаци.
Во извештај од 11 јануари 2020 година, Кина ја потврди својата првата смрт од непознатиот вирус – 61-годишен маж кој бил редовен клиент на сега веќе озлогласениот пазар во Вухан, поврзан со многу рани случаи. Светот наскоро стана се запозна со смртоносната болест.
Се уште се знае малку за првата жртва, вклучувајќи го и нејзиното име, додека пазарот каде беа откриени првите пријавени групи случаи остана затворен.
Вухан се опорави: „Вухан сега е најбезбедниот град во Кина, дури и во целиот свет“
Независни експерти допрва треба да добијат пристап до пазарот или детална реконструкција на тие рани денови на вирусот во Вухан.
Градот сега се опорави и е горд на своето заживување.
„Вухан сега е најбезбедниот град во Кина, дури и низ целиот свет“, изјави 66-годишниот жител Ксионг Лијаншенг за АФП во понеделникот, додека десетици парови танцуваа во парк на утринското сонце, некои со заштитни маски.
Луѓето патуваат на работа, други одат покрај брегот на реката – остар контраст со земјите кои сè уште се под строги блокади и ограничувања.
„Свеста на жителите на Вухан за спречување и борба против епидемијата е многу висока – дури и мојот двегодишен внук ќе носи маска кога ќе излезе“, вели Ксионг.
Кина се соочи со критики дома и во странство за првично справување со вирусот, вклучително и обиди за замолчување на свиркачите и неуспех да се пријават случаите на почетокот на јануари.
Две недели по потврдата на првиот смртен случај, Вухан и околната провинција беа ставени под блокада.