Во неодамнешното интервју за порталот „Чедар њуз“, Ештон Качер откри дека требало да биде еден од патниците на летот на компанијата за вселенски патувања на милијардерот Ричард Бренсон, но Мила Кунис го убедила да ја преиспита оваа одлука.
Качер, ѕвездата на серијата Два и пол мажи, призна дека по разговор со неговата сопруга, актерката Миле Кунис, решил да го врати билетот за лет во вселената со „Вирџин галактик“.
„Кога се оженив и добив деца, сопругата истакна дека можеби не е паметна семејна одлука да заминам во вселената кога имаме мали деца, па на крајот го вратив веќе купениот билет за„Вирџин Галактик“, призна Кучер .
Суборбиталниот лет на ракетниот авион на британскиот бизнисмен Сер Ричард Бренсон, кој беше одложуван неколку пати, беше успешно извршен на 11 јули.
„Вирџин Галактик“ планира да изврши само уште еден тест лет пред да започне комерцијални летови. Досега повеќе од 600 луѓе резервирале билети по цена од 200.000 до 250.000 долари. Компанијата се очекува наскоро повторно да ја отвори продажбата на билети, иако по повисока цена.
„Требаше да бидам на следниот лет, но сè уште нема да бидам“, откри Кучер.
Иако се предомислил поради загриженоста на неговата сопруга, Качер сепак не се откажува од сонот да замине во вселената.
„Еден ден дефинитивно ќе заминам“, решителен е актерот.