Европарламентарци им кажале на своите колеги во српскиот парламент што може да се случи доколку Србија не биде конструктивна во постигнувањето конечен сеопфатен договор со Приштина, дознава Н1.
„Доколку не се прифати договорот, Србија нема да биде остров, туку Иран во Европа“, ги пренесува зборовите на пратеник во Европскиот парламент соговорникот на Н1.
Тој додава дека европратениците велат дека на претседателот на Србија на средбата со меѓународната петорка на 20 јануари му било кажано дека влезот на Србија во ЕУ може да се постигне во 2030 година и дека овој пакет треба да важи за сите земји од Западен Балкан.
Потсетуваме, делегацијата на Европскиот парламент за меѓупартиски дијалог, предводена од Владимир Билчик и Матјаж Немец, престојува во посета на Србија. Во текот на утрото разговарале со пратеници во Собранието на Србија.
Средбата на европратениците со Вучиќ започна во 15:30 часот.