Алфонс Годал, поранешниот потпретседател на ФК Барселона, остро го критикуваше Рафаел Надал по победата на Австралија опен.
Надал во неделата го крена 21. Грен слем трофеј во кариерата, што предизвика различни реакции, а една од негативните дојде од поранешната „десна рака“ на Жоан Лапорта во Барселона.
„Од првиот ден ми е мака од Рафаел Надал. Го ставам во ист кош со шпанската репрезентација, Реал Мадрид, Фернандо Алонсо и се што претставува непријателска држава“, напиша Годал на Твитер.
Шпанските медиуми во преносот на изјавата на Годал потсетија дека тој е голем поборник за независноста на Каталонија, а дека во минатото често изнесувал сепаратистички ставови.
Сепак, за разлика од него, каталонскиот гигант Барселона со ентузијазам го дочека трофејот на Надал во Мелбурн.
„ФК Барселона им се придружува на честитките на спортскиот свет за историскиот рекорд на Рафаел Надал, првиот тенисер кој освоил 21 Грен слем титула. Честитки, Рафа!“, изјавија од клубот.
El FC Barcelona se suma a las muestras de reconocimiento del mundo del deporte frente al registro histórico de Rafa Nadal, el primer tenista masculino en ganar 21 Grand Slam. ¡Enhorabuena @RafaelNadal! https://t.co/6aI8pJw3UO
— FC Barcelona (@FCBarcelona_es) January 31, 2022