Мајкл Коен, поранешен адвокат на американскиот претседател Доналд Трамп, беше вратен во затвор во четвртокот, објави неговиот адвокат.
Коен (53) беше ослободен од затвор во мај поради опасност од инфекција со коронавирус, пренесува Хина.
Тој отслужи една од три години затвор за учество во сомнителни плаќања на пари на две жени, финансиска проневера и лажење на Конгресот.
Две жени, порно sвездата Сторми Даниелс и поранешниот Плејбој модел, Карен Мекдугал изјавија дека имале секс со Трамп, што американскиот претседател го негира.
Коен, кој требаше да биде ослободен од затвор во ноември 2021 година, се очекуваше да го издржи преостанатиот дел од казната во куќен притвор, соопштија два информирани извори.
Коен, кој еднаш рече дека ќе „прими куршум“ за Трамп, подоцна му сврте грб на поранешниот шеф и соработуваше со истрагите на Конгресот предводени од демократите.
Трамп го нарече „стаорец“, а Коен го нарече „расист“ и „измамник“.