210
Патријархот на Српската православна црква (СПЦ) Порфириј денеска на литургијата за помирување со Македонската црква рече дека по 55 години оздраве длабоката и болна рана на расколот со таа црква и дека ова е голем ден и чудо на Бог.
-Да се радуваме браќа и сестри, зашто денес се радува полнотата на црквата, се радуваат небото и земјата, се радуваат сите светии, Свети Сава и сите кои се засадени во неговиот корен, рече Порфириј во храмот Свети Сава во Белград.
Архиепископот Стефан рече дека е воспоставено канонско единство со Српската православна црква, што значи, како што наведе, единство со сите православни цркви.