Од ноќеска на полноќ малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 0,50 денар/литар. Со тоа,  малопродажната цена на ЕУРОСУПЕР БС-95 ќе изнесува 66,00 ден/лит, додека малопродажната цена на ЕУРОСУПЕР БС-98 изнесува 68,00 ден/литар, соопштија од регулаторната комисија.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ1), не се менуваат. Малопродажната цена на ЕУРОДИЗЕЛ (Д-Е V) ќе изнесува 56,00 ден/литар, а Екстра лесното масло за домаќинство (ЕЛ-1) ќе се продава по цена од 45,00 ден/литар.