Постојаните ладни раце може да укажуваат на здравствени проблеми

од Nikola Popovski

Нормално е вашите раце одвреме-навреме да ви бидат ладни, особено кога надвор е студено. Меѓутоа, кога оваа состојба станува почеста или кога има промена на бојата на кожата, може да се работи за болест која го ограничува протокот на крв во рацете, пренесува клиника Кливленд.

Најчести симптоми на студени раце, кои може да укажуваат на некои посериозни здравствени проблеми, се студени стапала, промена на бојата на кожата на рацете во жолта или црвена, пецкање во рацете и нозете, смрзнатини или тврда кожа.

Рејноов синдром

Ова е всушност едно од најчестите нарушувања што првенствено ги погодува артериите кои носат крв од срцето до други делови од телото.

Анемија

Со анемија, едно лице има помалку функционални и здрави црвени крвни зрнца, што често доведува до недостаток на железо. Ако нашето тело нема доволно железо, немаме доволно хемоглобин, па затоа е потешко кислородот да стигне до белите дробови и другите делови од телото, што доведува до ладни раце.

Освен ладни раце, анемијата кај луѓето може да предизвика и замор, главоболки, вртоглавица, отежнато дишење и бледа кожа. Во повеќето случаи, лесно се лекува со суплементација на железо.

Дијабетес

Слабата циркулација, како и стеснувањето на артериите, поради што често може да се чувствувате ладно во рацете или нозете, се исто така симптоми на дијабетес. Дијабетесот остава големи последици на нашиот крвоток, како и на целиот нервен систем, па често е придружен со овие појави.

Ако имате ладни раце и чувство на зголемена жед, јадете многу, но не дебелеете и уринирајте почесто, лекарите предупредуваат дека дефинитивно треба да го проверите нивото на шеќер во крвта.

Хипотиреоза

Воопшто не е невообичаено да имате ладни раце ако имате проблеми со тироидната жлезда. Кога тироидната жлезда е недоволна, многу телесни функции во телото стануваат слаби и може да се појават симптоми како што се замор, запек, необјаснето зголемување на телесната тежина и постојано чувство на студенило, вклучително и ладни раце.

Хипотироидизмот е чест кај жените и мажите на возраст над 50 години, но често се јавува и кај помладите, пренесува „Index.hr“.

Слични содржини