Долгото владеење на израелскиот премиер Бенјамин Нетанјаху заврши во неделата кога израелскиот парламент ја одобри новата „влада на промени“ предводена од националистот Нафтали Бенет.
Пензионирајќи се во опозицијата, Нетанјаху (71), најдоминантниот израелски политичар од неговата генерација, вети дека наскоро ќе се врати на власт.
На бучната седница на која десничарските и ултраортодоксните приврзаници на Нетанјаху му рекоа на Бенет дека треба да се „срами“ и дека е „лажго“, парламентот гласаше за неговата нова влада со исклучително тесно мнозинство од 60:59 гласа
Поранешниот министер за одбрана и милионер од високотехнолошкиот сектор, Бенет (49) наскоро ќе положи заклетва.
Неговата коалиција вклучува, за прв пат во израелската историја, партија што претставува 21 процент од арапското малцинство.
Со малку заедничко, освен желбата да се стави крај на ерата на Нетанјаху и политичката блокада што доведе до четири нерешени избори за две години, коалицијата на левичарски, центристички, десничарски и арапски партии веројатно ќе биде кревка.
Израелскиот лидер со најдолг стаж, Нетанјаху, беше премиер од 2009 година, по неговиот прв мандат од 1996 до 1999 година.
Тој беше ослабен од неговиот неуспех да постигне сигурна победа на изборите во 2019 година и тековното судење за корупција.
Според договорот за коалиција, Бенет ќе биде заменет како премиер во 2023 година со центристот Жаир Лапид (57).
Новата влада, формирана по нерешените избори на 23 мај, планира да избегне далекусежни потези за жешки меѓународни прашања, како што е палестинската политика и да се фокусира на домашните реформи.
Палестинците очекуваат Бенет да продолжи со истата десничарска програма како Нетанјаху.