Граѓанското движење „Don´t Pay“(Не плаќај) од Велика Британија објави дека повеќе од 170.000 луѓе нема да ги плаќаат сметките за енергија од 1 октомври.
Движењето денеска собрало повеќе од 170.000 потписи на луѓе кои не сакаат да ја платат сметката за енергија на онлајн платформата. Движењето, исто така, бара Владата на островската земја „да ги намали сметките за енергија на прифатливо ниво“.
Претставниците на движењето наведуваат дека граѓаните можат да ги остават своите потписи на веб-страницата „www.dontpay.uk“.
Движењето досега собрало повеќе од 173.000 потписи од луѓе ширум Велика Британија.
Движењето најави дека ќе ги укине автоматизираните банкарски плаќања за сметките за енергија доколку бројот на поддржувачи достигне еден милион.
Тие апелираа до владата да воведе „итни социјални тарифи за енергија за да се спречи луѓето да умираат од студ оваа зима“.
Потегот доаѓа набргу откако енергетската компанија „Ofgem“ објави дека ограничувањата на сметките за енергија во Обединетото Кралство се зголемени за 80 проценти, со што просечните трошоци за енергија на домаќинството се 3.549 фунти (3.990 евра) годишно.