Во последните 24 часа во светот се регистрирани 278.229 нови случаи на коронавирус, а починаа уште 6.815 лица, објави денес Светската здравствена организација.
Според податоците за петок, во светот биле заразени 18,9 милиони луѓе, а повеќе од 709.000 починале, пренесува ТАСС.
Статистиката на СЗО се заснова на официјално потврдени податоци објавени од земји.
Јужна и Северна Америка имаат најмногу потврдени случаи, над 10,1 милиони. Во текот на денот биле заразени уште 154.111 лица, а 4.598 починале, пренесува ТАСС.
Во Европа биле заразени над 3,5 милиони луѓе, а 215.640 починале. Во петокот биле регистрирани над 25.000 нови случаи, а 416 починале.
Во Југоисточна Азија се регистрирани 2,4 милиони пациенти и над 50.000 жртви.
Најмногу заразени има во САД, Бразил, Индија, Русија, Јужна Африка, Мексико, Перу, Чиле, Колумбија и Иран.