Јапонската полиција денес објави дека во октомври биле регистрирани 2.153 самоубиства, додека досега од коронавирусот починале помалку од 2.000 лица, објави веб-страницата „Фокс њуз“.
Од почетокот на годината, во Јапонија се регистрирани 17.000 самоубиства, а експертите велат дека поради пандемијата, психичкото здравје на Јапонците е влошено поради долгорочна изолација, одвојување од членовите на семејството, невработеност и други финансиски проблеми и недостаток на структура на училиштето.
„Треба сериозно да се соочиме со реалноста“, изјави портпаролот на јапонската влада Кацунобу Като неделава, повикувајќи ги луѓето да побараат помош преку телефонските линии и социјалните мрежи.
Јапонија традиционално имаше висока стапка на самоубиства, но бројките почнаа да се намалуваат во претходните години, пред епидемијата на коронавирусот.