Пожар избил во автомобил паркиран пред сервис за возила во Тетово, во кој се наоѓало три годишно дете. Возачот на автомобилот го паркирал возилото и го оставил да работи, со цел на кратко да влезе во блискиот сервис, а во возилото останало неговото тригодишно дете, соопшти МВР.
„Во еден момент, од возилото почнал да излегува чад од задниот дел и сопственикот веднаш се вратил и го извлекол детето. Пожарот за кратко се проширил во целото возило и тоа целосно изгорело освен делот кај моторот, кој бил делумно изгорен.
Пожарот бил изгаснат од страна на екипа од Територијална противпожарна единица–Тетово. Причинета била материјална штета од околу 240.000 денари. Увид на местото на настанот бил извршен од страна на увидна екипа од СВР Тетово и се работи на целосно расчистување на настанот“ се додава во соопштението на МВР.