Популарната малезиска пејачка Сити Сара Рајсудин почина од последиците од ковид -19 само неколку дена откако роди момче – нејзиното четврто дете.
Сити беше ставена во индуцирана кома во осмиот месец од бременоста поради ниските нивоа на кислород, за да може да се роди нејзиното бебе.
Бебето е спасено, но пејачката не доби шанса да го запознае.
Нејзиниот сопруг во изјава за медиумите рече дека последен пат разговарал со сопругата преку видео повик и дека солзи ѝ течеле по лицето.
– Таа сфати што се обидуваме да ѝ кажеме – рече тој и додаде дека не знае како ќе им ја пренесе оваа вест на своите деца.
Тамошните медиуми претходно пишуваа дека целото семејство било позитивно за ковид-19, и дека биле заразени од лице кое им помагало во домашните работи.