Сите сме навикнати на совети за четкање на забите, а најчестите се насочени кон потребата да се мијат забите најмалку два пати на ден, по две минути.
Овој совет може да биде погрешен, според д-р Џозефин Хиршфелд, предавач по ресторативна стоматологија на Универзитетот во Бирмингем.
Наместо тоа, подобро е да ги четкате забите четири минути, бидејќи на тој начин отстранувате повеќе наслаги, а четкањето на забите повеќе од два пати на ден всушност може да направи повеќе штета отколку корист.
Плаката е леплива, безбојна или бледожолта наслага која се формира на забите и се состои од бактерии кои живеат во нашата уста. Ако не се лекува, акумулацијата на наслаги може да доведе до расипување на забите или заболување на непцата.
„Сегашните докази сугерираат дека поминувањето повеќе време во четкање е патот до почисти заби“, напиша таа во написот за The Conversation.
„Ова продолжено време на четкање значи дека можеме поефикасно да ги исчистиме забите и да стигнеме до оние тешко достапни места. Имено, внимавајте да не се миете премногу често (да речеме повеќе од два пати на ден) и избегнувајте да користите четки со тврди влакна или паста за заби со абразивно дејство, бидејќи тоа може да ги оштети и нашите заби и непца“, вели таа.