Александар Чеферин, претседателот на УЕФА, за прв пат се огласи за европската Премиер лига, која се планира да ја создадат водечките клубови на Стариот континент.
Чеферин збореше за Ројтерс ден по оставката на претседателот на ФК Барселона, Пеп Бартомеу, кој даде глас за започнување на споменатото натпреварување.
Европската Премиер лига би се состоела од 18 најсилни европски клубови, а тоа натпреварување би било по примерот на НБА или кошаркарската Евролига. Тоа целосно би ја потиснало и заменило Лигата на шампионите.
Претседателот во заминување на каталонскиот гигант Бартомеу за време на последното обраќање до јавноста рече дека Супер лигата ќе биде целосен успех.
Сепак, УЕФА и Чеферин ќе се борат со сите сили против ваквото сценарио.
„Како прво, мора да сториме сè за оваа лига никогаш да не се случи. Не сум сигурен дали клубовите го сакаат тоа или само ја туркаат целата приказна со закани. Ако е така, тие успеаја во тоа“, рече Чеферин.
Јасно е дека лигата на најсилни и најбогати би довела до драстичен пад на квалитетот на фудбалот низ Стариот континент и дека најголем удар би претрпеле просечните клубови и федерации.
„Овие измени не помагаат на малите и средни сојузи. Процесот не е добар. Клубовите не знаат ништо за тоа и тоа треба да се промени во иднина“, истакна првиот човек на УЕФА, Александар Чеферин.