Во продолжение на рочиштето за „Рекет“ беа презентирани нови снимки од страна на поранешната специјалната обвинителка, Катица Јанева која се гледа како е следена и тајно снимана од страна на МВР.
На снимките се гледа како има средби со нејзината сестра и синот. Според снимките, Јанева посетува и салон за убавина, а на една од снимките се гледа како посетува адвокатска куќа, па во просториите на СЈО.
Ресторанот „Ден и ноќ“ е следната локација на која е снимена Јанева како вечера со нејсзината сестра и уште две машки лица. Јанева со нејзината сестра се снимени како ја посетуваат и Геријатрија, каде што веројатно беше сместена нејзината веќе почината мајка.
Единствените прибавени снимки се олицетворение на несериозност, посочи првообвинетиот во случајот, Бојан Јовановски во приговорот.
– Овие докази од обвинителството, можам да забележам дека јас сум само мало бебе, во однос на она кој прв доби куќен притвор, а сега е и осуден, додаде Боки13.
Како се изготвени снимките и извештаите зависи од условите и можностите на полицијата, вели обвинителката Вилма Русковска.
Наредното рочиште е предвидено да продолжи утре во 10 часот.
И.Р.
Фото: Борче Поповски